مطعم ابل بيز في الرياض :: صور عجيبة وغريبة :: تعالوا شوفوا

[ولد ديرتي]

اسعد الله اوقاتكم بكل خير ومسرة

كنت في يوم من الايام مع واحد من الشباب ندوج في الرياض من محل الي محل ومن هايبر الي هايبر والمهم جات الساعة 12 في الليل تقريبا قلنا نبي ناكل قال خويي عندي لك مطعم يمدحونة ومسينا ناكل منة وعزمنا ورحنا وكان طبعا اول يوم راتب يعني مدهرين ومشنوزين شناز ،، وطبعا كان النصيب من هالراتب لمطعم ابل بيز عرفتوة ولا ابل بيز اكرر ولا خلاص


دخلنا المطعم بصراحة ماكنا في مطعم مابقى شيء الا وعلقوة فية لا وقسم الحريم فية اشياء رهيبة ماقدرت اصورها فيها مضراب هريس ودراريع وبراقع وغيرة من خلق الحريم


طلبنا لنا اكل بصراحة روعة وفي قمة الذة وفعلا سعرة فية صحيح انة غالي بس ماهي حسافة علية والحمد لله اثنينا بس طلعنا بمية وثلاثين تقريبا
وقبل اسبوع تقريبا ودينا معانا الحب اليتيم خليناة يعجب فية غصب


يالله اخليكم مع الصور اللي طبعا ولد ديرتي الملقوف ومايخلي شيء الا ويصورة


http://www.ibtesama.com/vb/imgcache/10489.jpg
طبعا هذي صورة للمطعم بس مو اللي رحنا فية بس ابين لكم شعارة


http://www.mura7.com/up/uploads/b9c293b00a.jpg (http://www.mura7.com/up/)
اشارة مرور تولع مرة خضرا ومرة حمرا ومرة كلهم زين مافية سيارات ولا كان صدموا .. وفية بعد اسطاب وطاسة للكفر وصور من كل شيء


http://www.mura7.com/up/uploads/694ee7dded.jpg (http://www.mura7.com/up/)
صور منوعة والاسطاب للسيارة ولوحة ارشادية انجليزية بايقينها من امريكا ولوحة سيارة سعودية قديمة من سنة جدي


http://www.mura7.com/up/uploads/662143a3f1.jpg (http://www.mura7.com/up/)
ادري انكم راح تستغربون وش جاب باب الشفر في المطعم شكل راع الشفر خرش في احد المطاعم وشلحوة هو واسطباتة وحتى الاتروس شفوهم معلقين مع الطاسة


http://www.mura7.com/up/uploads/9e6a834e96.jpg (http://www.mura7.com/up/)
ياروحي على الحساء اموت انا شوفوا اللوحة وثلاث ارقام انا لحقت على هذة اللوحات << اية صدقتك


http://www.mura7.com/up/uploads/695ff0ca41.jpg (http://www.mura7.com/up/)
الاسطاب الثاني للشفر وباقي الاطياس وصور منوعة ورياضية ومعاهم لوحة الاحساء


http://www.mura7.com/up/uploads/917459713f.jpg (http://www.mura7.com/up/)
ماقلت لكم ان الشفر خارش ام المطعم شوفوا الكفر لا وحاط رقم واحد بعلم امريكا


http://www.mura7.com/up/uploads/e57e8a708a.jpg (http://www.mura7.com/up/)
والحين جينا للتمبة ( كرة قدم ) اول اهالينا يقولونها ومع صور لبعض الاندية والفنايل والشالات للاهلي والهلال


http://www.mura7.com/up/uploads/609b128cb9.jpg (http://www.mura7.com/up/)
وهنا العالمي طبعا صور لمحيسن الكوبرا وماجد وشال وفنلية للنصر


http://www.mura7.com/up/uploads/cbe82fb951.jpg (http://www.mura7.com/up/)
وهنا طالع الاسطورة ابو عبيد وفنيلة للمنخب وبعض الصور وشوفوا التفلزيون تراة بلازما بقيت اشيلة وادية الشقة


http://www.mura7.com/up/uploads/d6abd09466.jpg (http://www.mura7.com/up/)
لا واتجهنا الحين حق تمبة امريكا قصدي الكرة الامريكية وبعض المستلزمات الازمة للوقاية من التبقس والترفس


http://www.mura7.com/up/uploads/854e30e37f.jpg (http://www.mura7.com/up/)
وش رايكم فيني جبت الهدف في السلة ومجهز العجرة اسف قصدي كرة المضرب


http://www.mura7.com/up/uploads/336857916d.jpg (http://www.mura7.com/up/)
وش فيكم بحلقتوا عيونكم تراة مو خمر ولا سنير تراها غراش مواد حافظة وملونة بس سوينا حركة صورنا وراهم انا وخويي تقول كاننا في بار


http://www.mura7.com/up/uploads/02f736ebc5.jpg (http://www.mura7.com/up/)
وهذي طاولة الاكل بس حق الحريم ماتصلح لما تودي معاك زوجتك يطلع عليك واحد يقول لكم وش تسووووون


http://www.mura7.com/up/uploads/be08099ddf.jpg (http://www.mura7.com/up/)
وهذا عشانا وش رايكم شهيتكم صح حتى انا اشتهيت ودي اروح اكل وهذا هو عشانا اللي بمية وثلاثين تريل قصدي ريال


http://www.mura7.com/up/uploads/ac1243e6b4.jpg (http://www.mura7.com/up/)
هذا همرغرهم والله لتكلون اصابعكم معاها الحب اليتيم يوم وديناة ثاني مرة ماكل الا وحدة والثانية وداها الشقة لان معدتة صغيرة


http://www.mura7.com/up/uploads/ad878e4e73.jpg (http://www.mura7.com/up/)
وهذا كلوب هوس بس غير شكل وكبير بس عجيب لا وبطاطسهم ماعمركم تكلون مثل مو مثل اللي في المطاعم العادية


اة وش رايكم في المطعم وفي اللي فية صج انهم فاضين وبصراحة اول مرة اشوف مطيعم زي كذا حتى محل تشليح مافية زي كذا ولا محل رياضة مافية مثلهم ومعليش ماقدرت اصور لكم قسم النسوان لان تعرفون الخصوصية وعيب بس بحاول اروح مرة ثانية واذا مافية احد بصور لكم علشان تشوفون الدراريع



جميع الحقوق محفوظة ومختومة باسم ديرتي المراح تبون تنقلونة انقلوة ماعندكم اي مشكلة تراني راضي ،، قصدي سامح لكم



ولد ديرتكم سعودي

[سعوديه]

هههههههههههههههههاااي يسلموا ولد ديرتي

الصراحه أول ما تكلمت عنه قلت الله لا يعيقنا بشر بنروح له


لكن بعد ما أسترسلت بالموضوع عرفت السبب في الحب


خرابيط سيارات وكووووره أكيد بتسنترون عنده


أما الأكل الصراحه شكله مره حلو



يعطيك العافيه

[الحب اليتيم]

يووووووووووووووووووووووووووووه
الله ينعم عليك يا ولد ديرتي
واشكرك على العزوووومه

بس عزم يا قلبي واعزمني مرة ثانيه
بس لا يروح الا انت وخوينا الثالث
ولا نروح الا الساعه 11 مساء
وانت فاهمني
خخخخخخخخخخخخخخ

[][أبـg ج ـرآב][]

الله يعطيك ألف عافيـة

ولـد ديــــرتي

على المجهــــود الطيــب ومـا عليـك تـرى التصـوير فن وإبـداع

وبصراحـة هذا تقرير تشكر عليه ومتعوب عليه

كثر لنا من نوعـه لاهنـت

وبصراحة من كثر اللي معليقنهم على الجـدران ..

أقـول ماشاء والله يعين الجدار :D

تقـــول مستـــــودع أمـريكـــان!! :)

تقـــبل مــــــروري

&أبو جــراح&

[زمان الصمت]

شكل صاحب المحل مصرقع

وده يسوي معرض بس مش عارف وش يحط وش يخلي هههههههههههههههههه

بس ليش صورتو ورا الغراش اللي كأنهم غراش خمر علشان كأنكم في بار<<<<<<<<<<<<<<< فرحانين !!!

مشكورين خليتونا كأننا زرناه معكم بس الأكل محسوب عليكم

[malak_sa]

بصراحة صور حلوة ورهيبه ..
بس وين موقعه بالضبط في الرياض ..
يضيع والا سواق التكسي يدله على طول .. لان المحرم الي معاي مايحب كثرة الدوارة ..

[ولد ديرتي]

هلا بكم جميعا

ومشكورين على مروركم الكريم


اخوي ملاك

مكانة ياطويل العمر والسلامة في مجمع رمال سنتر على مخرج 16 اللي فيها هايبر بندة وبست

وعندك بعد ياطويل العمر في شارع التحلية واذا رحت التحيلة فية مطاعم على كيف كيفك وشكلي بروح شيليز ما ادري وش اسمة


ولد ديرتي

[العسيري]

اسلم اسلم والله على هالمطاعم الي زي كذا مطعم رومنسي على حراج

وانت مابقى شي ماصورته يا ولد ديرتي

كثر ترا الرياض كبيره وفيها كل شي

[الرياضي]

اقول اتعشى مفطح ارخص ...هههههههههههه

[الحب اليتيم]

ههههههههههههههههههه
الرياضي
حدك بوفية سليم وتخب عليك
خخخخخخخخخخخخخخ
يالله وتطورت وصرت تاكل من مطعم حدائق الريان
حافظ رقمه والا اقوله

بس على فكره ترى غيرنا المطاعم اللي خبرك