رحلة الزير والحب اليتيم والعالم الجهول في سيرلانكا

[الزير]

صباح الخير
هذي اخر رحله في سيرلانكا مع الحب اليتيم والعالم المجهول
طبعا الرحله مخصصه للعاصمه كولومبو في الحقيقه ان العاصمه لاتستحق الزياره
وقد كان مخططنا عند وصولنا لسيرلانكا البدء من منطقة سيقيريا صائبا
وبما ان مغادرة سيرلانكا لابد ان تكون من العاصمه كولومبو لذا يجب عليك العوده لها
ولا مانع من التوقف يوم واحد فقط لاكتشاف كولومبو وزيارة مايستحق الزياره:0083:


--------------------------------------------------------------------------------


كانت رحلتنا اللي فاتت لنوراليا
غادرنا فندق جراند بعد الفطور لان السواق ابلشنا يقول لازم نمشي بدري لان الجو مطر والطريق زحمه وطويل
بس الظاهر انه نصاب لانه كان يوم جمعه ويبي يروح لاهله مدري وش مستعجل عليه
كان الجو مطر والجو باااااارد:0004:

http://members.abunawaf.com/fayezdh/sir_lanka/colom/colombo31.jpg
طبعا فيه طريقين لكولومبو اما تسافر عن طريق كاندي وهذا الطريق اللي جينا معه قبل 5 ايام:0012:

او طريق هاتون وهو اجمل بس متعب لانه ضيق وزحمه
http://members.abunawaf.com/fayezdh/sir_lanka/colom/colombo30.jpg

لقطة للطريق وواضح تعرج الطريق:0047:

طريق هاتون روعه بس ضيق يعني بعض المرات اذا شفت قدامك تريله تجيك ام الركب
ام الركب = قمة الخوف يعني ركبك تصافق ببعض ماتقدر توقف هذا والله اعلم
مثلا هالنفق اللي بالصوره تتوقعون بنجي مسرعين وندخله ماااااااااافيه امل
قلنا له وقف نروح نشوف فيه سيارات ولا لا اجل تبونا ندخل تحت باص والا قطار والا اقل شي تصدم لك بقره:0034:
عاد من يفكك من الهندوس داعس رابهم مايكفي العجوز اللي بغت تموت في نوراليا

http://members.abunawaf.com/fayezdh/sir_lanka/colom/colombo28.jpg
مشينا وكانت سرعتنا ماتتعدى 40 كم عادي انزل والسياره تمشي واصور وارجع اركب
http://members.abunawaf.com/fayezdh/sir_lanka/colom/colombo29.jpg
لكن بعض المرات تتفاجأ بحادث قدامك مثل ابو الشباب اللي كان يقرا رساله بالجوال وطلع من الطريق :0006:

[الزير]

http://members.abunawaf.com/fayezdh/sir_lanka/colom/colombo45.jpg
كانت الشاحنه مسكره الطريق ونزلنا طبعا مافيه امل نفزع بس عشان نصور
:0039:
لكن راعي الشاحنه يحسبنا نبي نساعد جا يركض ومع حبل
قلت خير ياخوي سيارتنا كورلا بس الرجال كان مصر اننا نساعده ويمد لنا الحبل بغينا نربطه بحبله ونمشي مااايفهم
:20_asmilies-com:
http://members.abunawaf.com/fayezdh/sir_lanka/colom/colombo46.jpg

واصلنا رحلتنا لين وصلنا هالديره جلسنا فيها اكثر من ساعه بسبب راعي الباص موقف وسط الطريق وطالب شكشوكه من الكافتيريا وعااااادي عنده حنا طفشنا وقلت بنزل اشوف وش السالفه
قال السواق اجلس ترى الدعوى عادي ماهي اول مره تصير قلت يعني مستانس انت لنا اكثر من ساعه واقفين
قعد يضحك السواق قلت خيييييير قال مره جلست بالشارع 3 شهور >>>قويه صح:0034:

http://members.abunawaf.com/fayezdh/sir_lanka/colom/colombo47.jpg
الصراحه كان الطريق روعه جبال وانهار وغابات بس طويل الطريق
http://members.abunawaf.com/fayezdh/sir_lanka/colom/colombo48.jpg
باص مدرسات سيرلانكيات متعينات بعيد:00024:

واصلنا رحلتنا لين وصلنا شارع كله زينات ولافتات وقطع قماش لونها ابيض
قلت للسواق نزلنا هنا الظاهر انه عرس>>>جازت له عروسهم:20_asmilies-com:
http://members.abunawaf.com/fayezdh/sir_lanka/colom/colombo34.jpg
قال اي عرس انت هذا عزا
يقول اذا في ناس عندهم واحد ميت يحطون قطع القماش الابيض عشان الناس تعرف ان عندهم عزا:0015:
واصلنا رحلتنا ومرينا من عند رجال يبيع فواكه على الطريق قلت للسواق وقف وقف بسرعه
السواق مايدري وش السالفه وقف السياره بسرعه خويي كان نايم ورى ومع البريك جا عندي قدام
قال خير وش فيكم قلت الظاهر اني شفت ابوبكر سالم يبيع فواكه:0034:

http://members.abunawaf.com/fayezdh/sir_lanka/colom/colombo3.jpg
طبعا الرجال يشبه ابو اصيل والشبه واضح
http://members.abunawaf.com/fayezdh/sir_lanka/colom/colombo6.jpg
الصراحه اللي ماجرب فاكه الرامبوتان لاتفوته
والفاكهه هذي استوائيه يعني اللي راح ماليزيا واندونيسيا اكيد شافها
http://members.abunawaf.com/fayezdh/sir_lanka/colom/colombo5.jpg
واللي يغطيها ترى ماهوب شوك
http://members.abunawaf.com/fayezdh/sir_lanka/colom/colombo2.jpg
تفتحها بسهوله

[الزير]

http://members.abunawaf.com/fayezdh/sir_lanka/colom/colombo28.jpg
مشينا وكانت سرعتنا ماتتعدى 40 كم عادي انزل والسياره تمشي واصور وارجع اركب
http://members.abunawaf.com/fayezdh/sir_lanka/colom/colombo29.jpg
لكن بعض المرات تتفاجأ بحادث قدامك مثل ابو الشباب اللي كان يقرا رساله بالجوال وطلع من الطريق :0006:http://members.abunawaf.com/fayezdh/sir_lanka/colom/colombo1.jpg

طبعا اللي يوكل منها النوى الابيض وطعمه حلو مع شوي حموضه وفيه نوعين منه احمر واخضر بس الاحمر هو الغالب
http://members.abunawaf.com/fayezdh/sir_lanka/colom/colombo4.jpg
وهذي فاكهة الباباي واصلها مكسيكي وتزرع بكثره في البرازيل بس طعمها مايعجبني

اكلتها مره وضاق صدري مدري ليه
واصلنا رحلتنا واخيرا وصلنا كولومبو
لاتتوقع انك بتشوف مدينة متطوره ولاتقارنها بعواصم شرق اسيا مثل كولالمبور اوجاكرتا
http://members.abunawaf.com/fayezdh/sir_lanka/colom/colombo11.jpg
بداية دخولنا كولومبو
http://members.abunawaf.com/fayezdh/sir_lanka/colom/colombo32.jpg
اعجبني هالبيت

[الزير]

http://members.abunawaf.com/fayezdh/sir_lanka/colom/colombo8.jpg
كان حجزنا بفندق انتركونتنتال بمنطقة فورت
http://members.abunawaf.com/fayezdh/sir_lanka/colom/colombo39.jpg

هذا هو فندق انتركونتنتال وهذي منطقة فورت

مع ان منطقة فورت تعتبر منطقة الفنادق الفخمه والقنصليات والمكاتب الدبلوماسيه والبنوك والشركات الكبيره
لكن الافضل انك تبتعد عن هالمنطقه لانها منطقة مهدده بالعمليات الارهابيه وراح تشوف التفتيش بكل مكان وبكل شارع
نقاط تفتيش دقيقه اذا مشيت على رجولك تتوقع انك وسط ثكنه عسكريه والتصوير ممنوع
حتى غرفتك اذا فتحت الدريشه يرمونك العسكر
والله ابتلشنا بهالفندق
ما انصح بفندق الانتركونتنتال رغم انه 5 نجوم الا انه متواضع جدااااا
الصراحه انهم اشغلونا يوم قالوا ترى هالمنطقه خطيره اذا شفنا واحد يركض ركضنا معه
واذا واحد دخل يده بجيبه قلت بس حزام ناسف حط رجلك
http://members.abunawaf.com/fayezdh/sir_lanka/colom/colombo7.jpg
صوره من خلف زجاج الغرفه طبعا الفندق يطل على المحيط الهندي
http://members.abunawaf.com/fayezdh/sir_lanka/colom/colombo42.jpg
اطول برجين في كولومبو واحد خاص بمركز التجاره والثاني بنك سيرلانكا
http://members.abunawaf.com/fayezdh/sir_lanka/colom/colombo40.jpg
التوك توك ياسلام احلا شي بالزحمه حتى الرصيف يمشي عليه
http://members.abunawaf.com/fayezdh/sir_lanka/colom/colombo51.jpg
احلا مافيه انك تعبيه فل بريال وربع

وصلنا للفندق قبل الظهر واستلمنا غرفتنا المتواضعه بالنسبه لفندق 5 نجوم بس بما اننا بنجلس يوم ماتفرق معنا ولا نبي نضيع
وقتنا ونروح ندور فندق ثاني نزلنا اغراضنا وقلنا للسواق يودينا للسوق
قال السواق بنمر على بعض الاماكن المشهوره في كولومبو

[الزير]

http://members.abunawaf.com/fayezdh/sir_lanka/colom/colombo12.jpg

الصراحه يوم مرينا من هنا قلت لخويي والله اني اول احسب البيت الابيض بامريكا بس طلع بسيرلانكا
حتى خويي نصاب يحلف انه شاف بوش يكلم بجواله مع الدريشه
طبعا هذا مبنى الحكومه
http://members.abunawaf.com/fayezdh/sir_lanka/colom/colombo36.jpg
جامع الاظفر
http://members.abunawaf.com/fayezdh/sir_lanka/colom/colombo37.jpg
المسجد الكبير او زي مايسمونه قراند موسك
رحنا لمجمع او محل اوديل وهو عباره عن محل كبير كل شي فيه المحل مرتب وهو عباره عن عدة محلات
وماركات مختلفه لك الكاشير واحد واغلب بضاعته عاديه مع ان سعرها غالي والمحل هذا لهم فرع بالاسواق الحره بالمطار
الصراحه مالقينا شي يستاهل الواحد يشتريه الا بعض التحف والملاعق التذكاريه
وبصلح لكم تقرير كامل ان شاء الله عن هالهوايه المخسره

[الزير]

http://members.abunawaf.com/fayezdh/sir_lanka/colom/colombo38.jpg
http://members.abunawaf.com/fayezdh/sir_lanka/colom/colombo23.jpg
هذا المدفع جنب الفندق واذا سمعوا العسكر ان فيه دريشه انفتحت لفوه جهت الفندق

طلعت العصر على الكورنيش وكل ماشغلت الكاميرا جاني عسكري قال ممنوع التصوير قلت طيب للجهه الثانيه قال ممنوع
قلت طيب بصور البحر قال ممنوع قلت طيب برجع الكاميرا قال ممنوع
http://members.abunawaf.com/fayezdh/sir_lanka/colom/colombo49.jpg

مسجد ديواتاقاها
هالمسجد قديم جدااا ويرجع تاريخه لـ200 سنه بني المسجد عام 1820م

والصراحه قصة بناء المسجد اعتقد انها من الخزعبلات اللي ماتدخل المخ
قصته باختصار كان فيه بنت سيرلانكيه تبيع الزيت وكانت كل يوم تمر على هالمنطقه هذي تبيع الزيت وترجع
ومره طاحت الجره اللي فيها الزيت وانكسرت وضاق صدر البنت ونامت تحت شجره
وفجأه طلع لها شايب وقالها روحي جيبي جره جديده وتعالي قالت له من وييييين قال روحي كارفور من السوق يامال العمى
المهم راحت البنت وجابت جره وضرب برجله الارض وطلع زيت قالها الشايب روحي وقولي للمسلمين بالبلده عن الزيت وجو المسلمين وبنوا مسجد وحطوا فيه فانوس وسط المسجد الى اليوم
طبعا السالفه احس انها من الاساطير وياكثر هرج السيرلانكيين اللي مايدخل المخ
اخس يالشايب لو يدرون عنك ارامكوا كان وظفوك

http://members.abunawaf.com/fayezdh/sir_lanka/colom/colombo50.jpg

تحسون ان المقاول كان مدرس فنيه
http://members.abunawaf.com/fayezdh/sir_lanka/colom/colombo44.jpg
مبنى البرلمان القديم طبعا واضح الطابع الاوربي على هالمبنى
http://members.abunawaf.com/fayezdh/sir_lanka/colom/colombo20.jpg

تمثال بوذا يتوسط احد الحدائق

الصراحه ان سيرلانكا على صغر حجمها الا انها ارض المعابد والاصنام والتماثيل والخزعبلات
والمهرجانات وش كثرها اصلا الموظفين والطلاب مايداومون الا شهرين بالسنه والباقي اجازات ومهرجانات
اسمع بعض من الاعياد والمهرجانات طبعا مو كلها هذا بس اللي سمعت فيه
عيد الكنيسه وهالعيد للمسيحيين وعيد الحصاد خاص بالهندوس ويسمونه مكراتا سنكرانتي وعيد الشفق خاص بالبوذيين ويسمونه
فيساكا والعيد هذا رهيب يطلعون بالشوارع واي حيوان ناوين يذبحونه يعتقونه يمرون على المسالخ ويطلعون الحيوانات اللي مابعد انذبحت والله من الفضاوه
وفيه عيد اسمه ايسالا وهو عيد القمر والعيد الاكبر واللي كل الناس تنتظره اسمه فيراهارا وتشارك فيه الفيله
والعيد الغريب عندهم والخاص بالهندوس اسمه كفادي يقومون الشباب الفسقانيين يعلقون انفسهم بخطافات ويمشون على الجمر
واي حدث يصير يسوون له عيد يعني لو هم عندنا وطاحت الاسهم سوو مهرجان الاسهم
بالعربي ماينافس اهل الرياض بالاجازات الا السيرلانكيين واعيادهم تراني الحين افكر انقل للرياض والسبب كثر الاجازات
بس اعرف حظي لو انقل للرياض كل المؤتمرات يحطونها بالشرقيه

[الزير]

http://members.abunawaf.com/fayezdh/sir_lanka/colom/colombo21.jpg

رجعنا للفندق وزي العاده خويي يبي ينام وانا مافيه امل انام طبعا سواقنا راح لاهله وقال اجيكم بكره الفجر اوديكم للمطار
نزلت للرسبشن وسألتهم عن الاسواق والمجمعات وقالوا لي احسن شي تركب توك توك يوديك بـ200 روبيه
طلعت من الفندق ورحت امشي لين لقيت واحد وقلت له ودني ماجيك سيتي وبعد المكاسر وداني بـ150 روبيه
طبعا يوم وصلنا قال عطني 200 روبيه قلت خييييييير انا متفق معك على 150 قال ابداااا ماهو صحيح
المهم نزلت ورحت لعسكري وقاعد اشرح للعسكري السالفه وهو يضحك بغيت الفه بكف اطير سنونه
قلت وش فيك انت اقولك الرجال بينصب علي قال انا مانيب عسكري انا سكيورتي بالمجمع واتركه واروح لواحد ثاني لبسه يختلف
واكلمه قال انا مانيب عسكري قلت لاحوووول وارجع لراعي التوك توك واعطيه 200 قلت احمد ربك ان العسكر كلهم عند الفندق
حقنا والا كان ما اعطيك 200

http://members.abunawaf.com/fayezdh/sir_lanka/colom/colombo33.jpg



مجمع مجيك سيتي في منطقة بامبالابيتيا يتكون من اربع ادوار وبعض المطاعم مثل كنتاكي وغيره والدور الرابع فيه سينما
اللي يقدر قول اسم المنطقه ثلاث مرات بسرعه له جائزه
مدري من وين يجيبون هالاسامي احس اللي يسمي المناطق والشوارع شايب بالبلديه منسدح وينصب عليهم

the House of fashion
محل كبير متخصص بالملابس والصراحه ان اسم المحل اكبير منه لان بضاعتهم من النوع الرخيص موقعه قريب من ماجيك
سيتي اخذت توك توك مره ثانيه وقلت له ودني سوق بيته
سوق بيته الشعبي عباره عن مجموعه من الدكاكين والاكشاك كل شي يباع في هالسوق واغلب المحلات يمتلكها المسلمين

http://members.abunawaf.com/fayezdh/sir_lanka/colom/colombo24.jpg
http://members.abunawaf.com/fayezdh/sir_lanka/colom/colombo27.jpg

هذي فاكهة الدوريان

بعد 11 يوم رجعنا مره ثانيه لسيرلانكا وكانت الرحله ترانزيت لمدة 10 ساعات
طبعا كان الفندق على حساب الخطوط السيرلانكيه ويحجزون لك بالفنادق القريبه من المطار
والفندق عباره عن منتجع على المحيط الهندي وكانت المناظر روعه

[الزير]

http://members.abunawaf.com/fayezdh/sir_lanka/colom/colombo25.jpg

http://members.abunawaf.com/fayezdh/sir_lanka/colom/colombo26.jpg
اليوم الاخير لنا في سيرلانكا مشينا للمطار
والصراحه اذا كنت ساكن في كولومبو وعندك رحله لازم تطلع قبل الرحله بـ4 ساعات على الاقل لان المطار بعيد
وفيه تفتيش قبل توصل المطار يفتشون السيارات تفتيش دقيق جدا
http://members.abunawaf.com/fayezdh/sir_lanka/colom/colombo17.jpg


وصلنا المطار الساعه 6 الصبح وكانت رحلتنا الساعه 9

طبعا مثل ماعبيت كرت الدخول لازم تعبي كرت المغادره بعد ماتاخذ البوردنج تروح للجوازات وقبل الجوازات
بتحصل كروت المغادره
ختمنا جوازاتنا وجلسنا ننتظر الرحله لكن اعلنوا عن تأخر الرحله 3 ساعات
قلت اروح اتمشى بالاسواق الحره وفجأه شفت كل الناس وقفوا محد يتحرك منهم

http://members.abunawaf.com/fayezdh/sir_lanka/colom/colombo14.jpg
كل الناس واقفين
http://members.abunawaf.com/fayezdh/sir_lanka/colom/colombo15.jpg

طبعا كان فيه اغنيه بسماعات المطار وانا اقول وش السالفه مايتحرك الا انا ومعي كم واحد

جيت عند واحد اقوله وش فيه والرجال مايرد علي بس يأشر بعيونه يعني اقلب وجهك
عاد انا جازت لي الحركه قعد استهبل عليه يوم شفته مايتحرك بس خفت الاغنيه تخلص ويمردغني
انا توقعت انها اغنيه خاصه بالهندوس يوم خلصت قلت له خير وش السالفه
قال هذا السلام الوطني حقنا قلت يعني هذي سارعي حقتكم ههههههه
قلت عاد بالمطار قال مو بس بالمطار قال كل يوم الساعه 9 يعزف السلام الوطني بكل سيرلانكا ولازم نوقف

http://members.abunawaf.com/fayezdh/sir_lanka/colom/colombo16.jpg

هالشايب فالها هو وولده وبنته ومرته وقاعدين يلعبون بلوت قلت لهم بصوركم قالوا اوكي يوم خلصت
علمت الولد والبنت قلت ترى الجوكر مع امكم وزعل الشايب بغى يصفقني

وانا قاعد انتظر رحلتنا كانت الرحله اللي قدامنا جايه من الرياض وطبعا ينزلون الركاب اللي جايين من الرياض ويطلعون الركاب
اللي بيسافرون الرياض ولفت نظري شي

[الزير]

http://members.abunawaf.com/fayezdh/sir_lanka/colom/colombo18.jpg

طبعا كلهم سواقين وشغالات اللي بيسافرون شوفوا شناطهم كل واحد معه شنطه صغيره وبعضهم ما معه شي
http://members.abunawaf.com/fayezdh/sir_lanka/colom/colombo19.jpg


وهذولي الركاب اللي نزلوا يالله يشيلون شناطهم والاجسام مربره هههه
عادي فضاوة واحد متأخره رحلته
بختصار سيرلانكا تستحق الزياره ولكنها تفتقد لبعض الخدمات الضروريه والبلد رخيص جدا

اي واحد عنده استفسار عن سيرلانكا انا حاضر سواء بالايميل او هنا
تبون تعرفون وين كانت وجهتنا انتظروا الرحله القادمه وهي مميزه

[غيوم الشتاء]

يعطيك العافيه اخوي الزير على هذة القصه الرائعه .

عندي ملاحظه صغيرررررررع مرررررررره
لماذا لم تذكر اسم الشباب اللى معك الحب اليتيم او العالم المجهول او الرياضي
ثاني شي عزيزي البالوت ليس فيها جوكر
ثالث شي الرحله القادمه لابد ان اذهب معكم ( متلزق )

الصراحه رحله ممتعه لنا ما توقعت انها كذا يوم شفت الصور
ولكن هل اهلها كويسين ام لا
شكرا لك اخوي

تقبل مروري
اخوكم / غيوم الشتاء

[عذبة الروح]

الله يعطيك العافيه

والف شكر لك

لك مني خالص ا لتحايا

[الحب اليتيم]

الله يثيبك يا الزير
يوووووووووووووووه
كانت رحلة ممتعه لولا العالم المجهول اللي يبي يرقد
والا تذكر خوينا راعي الثوب الازرق
اللي يستانس لاطاح مطر
خخخخخخخخخخخخخخخخخ
اقول يا حبيبي لا تنشر الغسيل كله
ترى فيه عيون تترصد

[دلوع ماما]

مشكور اخوي الزير

اتمنى انها كانت رحلة مميزة

بس تعبتنا الموضوع طويل راحت اعيوني

والله يعطيك العافية

تقبل مروري


تحياتي


دلوعة ماما

[الزير]

http://www.w6w.net/album/35/w6w_w6w_2005042602232895cb29c6.gif

[سعوديه]

رحله جميله
ماشاء الله عليكم فريتوها فر
حلوه فاكه(نسيت إسمها )
وباص المعلمات المتعينات بعيد>>هههههه حتى هم
أما التيك توك خخخخخخخخخ شئ
بعدين أنا شاكه بهالرحله >>>إن بعض الظن إثم
الله يجزاك خير..هالحين أقدر أنصب وأقول رحت سيريلانكا

تقبل مروري

[الزير]

http://www.w6w.net/album/35/w6w_w6w_2005042602232895cb29c6.gif

[أمير القحاطين$]

يعطيك العافيع يالزير والله اني استمتعت احس اني معاكم في الرحلة والله ودي أسافر معكم انتوا الثلاثة بالذات ان شاء الله الله يكتب لنا رحلة معكم


وتسلم على الصور وماقصرتوا وانا ابي منك استفسار بيني وبينك


وبس حـــــــــــــــرام عليكم ليه مارحتوا جـــزر المالــــــديف قريبة منكم حـــــــــــــــيل


اخوك أمير القحاطين

[NEXT]

يالزير عندي سؤال وش معنى اخترتو سيريلانكا؟؟؟؟؟؟؟؟؟؟؟؟؟؟؟؟؟
قلوو الدووول.......؟
الهند افضل منها بألف مره مع اني مافكر اروح وحده فيهم.
واخيرا...
اهم شي انكم انبسطتو ورجعتو بالسلامه...

[الزير]

http://www.w6w.net/album/35/w6w_w6w_2005042602232895cb29c6.gif

[الزير]

http://www.w6w.net/album/35/w6w_w6w_2005042602232895cb29c6.gif

[وحيد الجزيرة]

رحلة مميزة

اتمنى لكم التوفيق

[الزير]

http://www.althkra.net/pic/ep/Z7.gif

[فضيحة]

http://islamroses.com/zeenah_images/w6w_2005100123480072ea9d3f.gif

[الزير]

http://www.w6w.net/album/35/w6w_w6w_2005042602232895cb29c6.gif

[العالم المجهول]

اي ذكرتني بايام الشباب خخخخخخخخخخخ

وانت يالحب اليتيم خل ابو ثوب الأزرق في حاله

خخخخخخخخخخخخخخخ

انا اشك انه معانا في الرحله لأن المطر وقف

خخخخخخخخخخخخخخخخخخخخخخخخخ


بس اللي محيرني ليه بناتهم ماطلعوا حلوين مثل طبيعتهم

http://img205.imageshack.us/img205/8505/73923088gh2.gif

[«Rose Baby»]

أولاً : الحمد لله على السلامة

ثانياً : الصور روووعة تجنن سبحـــان من صـورها وأبدعهـا

ثالثاً : دوختني بالتكرار..واكتشفت إنك

7

7


7


7




7



"سويت قرقر واااااااازد"

يعطيك العافيـة

تحياتي

[الزير]

http://www.w6w.net/album/35/w6w_w6w_2005042602232895cb29c6.gif

[شمعة الوادي]

http://img205.imageshack.us/img205/8505/73923088gh2.gif

[الزير]

http://www.althkra.net/pic/ep/ee2.gif

[الصراحة]

يعطيك العافية رحلة ممتعة

الزير من اللي نزل يبي يشوف وش السالفة يوم وقف الباص لان بوالشباب طالب له شكشوكة<<<< شكله الحب اليتيم او الرياضي لانه راعي هياط.

تقبل مروري

[حكيم الزمان]

الله يعطيك العافية

[الزير]

حياك الله اخوي الصراحة واخوي حكيم الزمان